आर्थिक सहयोगको माग गर्दै जिल्ला विकास समिति कार्यलयमा डेलिगेसन

आर्थिक सहयोगको माग गर्दै खोटाङको तावा खोला लघुलज विद्युत उपभोक्ता समिति खिदिमा जिल्ला विकास समिति कार्यलयमा डेलिगेसन गएका छन् ।
विद्युत आयोजना पुरा गर्नकालागि आवश्यक दश लाख रुपैंयाँको माग गर्दै डेलिगेसन गएका हुन् ।
कूल ५९ लाख ३२ हजार आठ सय ७७ को लागतमा पुरा हुने आयोजनाकालागि बैकल्पीक उर्जा प्रबद्र्धन केन्द्र ईसापले २३ लाख दुई हजार र खिदिमा गाविसको दश लाख ६१ हजार र चन्दा संकलन १७ लाखगरी झण्डै ४० लाखमात्र जम्मा भएको उपभोक्ता समितिले जनाएको छ । योजना पूरा गर्न अझै आर्थिक अभाव रहेको विद्युत उपभोक्ताले जनाएको छ ।
१५ किलोवाट क्षमता भएको विद्युत आयोजना पुरा भएपछि खिदिमाका ५ वडाका नागरिक लाभान्वीत हुने बताइएको छ । उनीहरुले जिल्लाका राजनितिक दलहरुलाई समेत बोधार्थ बुझाएको छ । राजनितीक दलका प्रतिनिधिहरुले आफ्नोतर्फवाट सक्दो सहयोग गर्ने वजन दिनु भयो ।